Land Acknowledgment

NovaMuse na mawa’tasikl mawa’tumkewe’l wejiaql mawo’taqano’kuoml ta’n telki’k No’pa Sko’sia.  Nujo’tmi’titl Association of No’pa Sko’sia Mawo’taqano’kuoml.

Mawo’taqano’kuoml No’pa Sko’sia etekl  sa’q telo’ltimkewey aqq mna’q iknmuetasinuk wmaqamikemuow Mi’kmaq. ANSM aqq mawo’taqano’kuoml wiaqlukuti’tiji NovaMuse muiuatmek iknmuksiek wikultinen aqq kina’masultinen ula maqamikew toqi kepmite’tmek aqq muiuatmek.

Tela’tekekl wejkwa’tanikewe’l aqq sa’q tepkisite’taqnn, mawo’taqano’kuomk mu nemitummitt ta’n koqoey we’tuo’tmi’tip msit No’pa Sko’sia mimajuinu’k. Entu’titl wtli’sutimual aqq pejiwksultite’wk ejikla’tuksi’tij telo’ltipnik wenik, wiaqiw M’kmaq, Kantakwejk No’pa Sko’sia’waq, Wenujk, aqq Kajjimenaq utanmual, na kisa’tu’tij mu tepesknuk aqq mu tetpaqi kinua’taqn etenuk wjit pukwelkik piluamu’kl wetapeksulti’tij.

Aknutmaqnn weskumaji tle’k tett mimajuinu’k, No’pa Sko’sia ta’n poqjiaqip eymu’tipnik Kantakwejk Kanata piamiw 400 te’sipunqikl , wiaqiw alsutasipnik mimajuinu’k aqq  ejikla’tasikek nekmowey, aqq ta’n tellukutipnik e’pijik, mimajuinu’k maqtewamuksultijik, LGBTQ2S+ mimajuinu’k, aqq kejikaw kisi wesimkutijik & pejiwksultite’wk na mna’q tepi nmitasinuk kisna mesnimu’kw.

Ninen – ANSM, mawo’taqano’kuoml, aqq meski’kl pukwelkl naqtmui’titl telo’lti’tij utanl – na nike’ mawi ankaptmekl. Ewekaqnn e’wmekl kutey NovaMuse mawlukutiek ula utanl. Eltuekl ta’n tett tetal aqq mawo’taqnn ta’n msit wen No’pa Sko’sia nmi’sultitaqq na’te’l.